Romjulsturnering i Trivselshallen

Postet av Gloppen Handballklubb den 28. Des 2015


I dag gjekk den årvisse romjulsturneringa av stabelen i Trivselshallen. I dameklassa var det fem lag påmeldt, medan gutane stilte med seks lag. Alle laga var samansett av spelarar som ikkje spelar saman til vanleg, noko som gjorde kampane interessante og artige.

Etter innleiande spel og semifinalar var det Team Marte mot Tema Heidi i finalen for damene. Kampen var jamn, men Team Marte hadde eit lite overtak gjennom heile kampen, og vann til slutt med 11-8.

I herreklassa var det G94/95 som møtte G92/93 i finalen. Dette vart ein målfattig kamp, der dei eldste, G92/93, gjekk av med sigeren, 3-6.


Ein kjekk dag i hallen med mykje handballmoro for dei frammøtte, både på tribuna og på bana. Vi gler oss til neste år!




Kommentarer

0 Kommentar

Logg inn for å skrive en kommentar.

Levert av IdrettenOnline