Viktig kamp for damelaget i helga!

Både dame og herrelaget i 3. div skal til Bergen denne helga.  Damelaget skal ut i dobbelkamp, der dei først skal møte botnlaget Bjørnar 2 på laurdag før dei skal møte topplaget Voss på søndag.  Herrane skal møte topprival Kjøkkelvik søndag ettermiddag.

For damene sin del er kampen mot Bjørnar 2 på laurdag ein kamp som skal vinnast om ei vil fortsette i 3.div neste sesong.  Bjørnar 2 har sålangt kun tatt 1 poeng, så denne kampen bør vinnast. Rett og slett.  I kampen mot Voss på søndag får ein det langt tøffare.  Voss leiar 3.div, så her må nok damene til Kjell overgå både seg sjølve og ha "stang inn" for å ha håp om poeng.

Herrelaget har framleis heng på tetlaga, og vil med siger her kome opp i ryggen på Kjøkkelvik igjen.  Dette er vonaleg ein god nok motivasjonsfaktor til at karane tar fram sitt beste spel.  For det er ingen tvil om at når GHK får spelet til å gli som dei kan på sitt beste, er det få lag i 3.div som kan oppvise makan.  La oss håpe at dette skjer i denne kampen :-)