Surt og knepe tap for G16 mot Førde
Postet av Gloppen Handballklubb den 9. Feb 2013
G16 tapte den dramatiske kampen i Førdehuset i dag. Etter å ha leia med eit mål til pause vann Førde tilslutt 20-19.
Vi møtte eit heiltent Førdelag i dag med engasjerte Geir Eikås og Øyvind Indrebø på lagleiarbenken. Det var GHK som stort sett førte heile kampen med 2-3 mål føre. Andreas Måge stod godt i mål i denne kampen og var ein av grunnane til at vi gjekk til pause med ein knapp leiing.
Andre omgang starta bra og vi laga to kjappe mål og var i grei føring. Dette heldt seg store deler av omganen, men med 5 minutt igjen hadde Førde gått opp i leiing 18-16. Vi svarte og kom opp på 19-19. Denne stillinga heldt seg heilt til det siste speleminuttet. Med eit minutt igjen erobra vi ballen i forsvar, men istaden for å roe ned vart det satsa på ei rushpasning som ikkje nådde fram og det vart Førde som hadde ball i den dramatiske sluttfasen.
Så fekk Erlend to minutter utvisning på ei knallgod rein takling på skuddarm og det byrja å koke i toppen på gutane. Med 45 sekund igjen greidde vi å halde Førde vekke frå målsjangsar til det gjenstod 2 sekund. Då kom Førde sin storskyttar Nicolai Eikås på skothald, og idet ballen gjekk i mål stod det 24.59 på tavla.
Eit formedeleg tap, men slik er handballen og idag var vi rett og slett ikkje gode nok. Best på Gloppen var utan tvil Sander Nesdal. Han fekk beskjed før kampen om å melde seg på og var heile tida på hugget i dag. Eit herleg trickskot og fleire susande langskot viser kva den karen er god for.
Det hektiske sluttminuttet medførte 2 raude kort til to av våre spelarar då det kokte litt over i den dramatiske sluttspurten. Vi veit ikkje enno om dette får konsekvensar for den siste kampen mot Eid/Haugen.
Desse var med: Måge, Håvard Magnus, Sindre, Jon Andreas 1, Peter 1, Magnus 2, Erlend 1, Hans 3, Mikael 2, Kristian, Lauritz 3, Sander 6,
Kommentarer
Logg inn for å skrive en kommentar.