Firda vgs har beste skulejentelaget i fylket

Firda vidaregåande skule vann den utsette/avbrotne jentefinalen i Chess cup, då dei torsdag slo Dale vgs 7-6 i Førdehuset.  Sigeren var fortent nok, og kunne med hell vore fleire mål større.

Glade jenter med pokalen etter kampen

Denne finalen gjekk eigentleg i Firdahallen i februar, men då strømmen gjekk midtveges i kampen på stillinga 6-5 til Firda, måtte den utsettast til eit seinare tidspunkt.  Kampen gjekk på nytt i Førdehuset denne veka.  Firda sitt lag er samansett av GHK spelarar frå 3.div laget, 5.div laget og jentelaget.  Då kampen varer kun i 18 min, vart det litt oppjaga spel frå begge lag si side.  Dale tok leiinga 1-0, men etter det var det GHK som styrte kampen.  Sjølv om ein aldri greidde å dra skikkeleg ifrå Fjalerlaget, var sigeren aldri truga.  Kampen var eit nytt prov på at det gror godt i handballmiljøet både ved Firda og i Gloppen generelt.  Vi gratulerer!!