Sesongavslutning med braksiger for G-16
Postet av Gloppen Handballklubb den 24. Mar 2012
I kveld var det Årdalstangen som fekk kjenne på musklane til det gode 16-årslaget til Gloppen. Dei dominerte frå start til slutt og vann til slutt 31-12
Første omgang starta med konsentert forsvarspel og solid keeperspel, og det vart tungt for Årdalstangen. Etter at Årdøladn hadde teke leiing med 1-0 laga dei sitt neste mål etter at gutane vår hadd laga 9. Ja du las rett, etter 15 minutt var stillinga 9-1. Då hadde Ørjan og Vegar dunka inn frå distanse, Åsmund åla seg gjennom forsvaret, og Evald herja frå ving og på rush.
 |
| Tre solide karar |
Etter dette vart det litt konsentrasjonssvikt og Sogningane greidde å kome 5 mål bak til pause på stillinga 13-7.
 |
| Tungt forsvar å trenge gjennom |
Andre omgang starta like brutalt som første og gutane gjekk tidleg i frå, Vi har den siste tida trena på offensivt forsvar og fekk prøve ut dette i store deler av kampen. De funka fint og motstandaren vart stadig pressa til avslutningar på dårleg sjansar, eller dei kasta ballen opp i nevane våre eller ut over sidelinja. Osmund var solid som midtspelar og dreiv motstandaren stadig til å gjere feil.
Slikt blir det kontringar av og Kissner og Evald visste å utnytte dette og starta villeg gong etter gong. Med presise ballar frå Daniel vart det mange mål i kontra for to fotrappe gutar.
Ein veldig solid kamp av Gloppen1 og det lovar godt framfor regionsluttspelet i Stryn den 14. og 15. april. Då skal vi møte Kjøkkelvik 1 og 2 og Eid/Haugen til finalespel.
Dette blir tøffe kampar spesielt mot KJøkkelvik som satsar knallhardt og har mange tøffe kampar i Bringserien i vinter. Men vi skal gjere det vi kan for å nå potensialet vårt og glede oss til å møte gode lag.
Desse var med: Olav, Daniel, Vegard 4, Åsmund 5, Ørjan 8, Osmund 5, Evald 5, Kissner 3, Odd Martin 1, Dag Håkon, Erlend.
Kommentarer
Logg inn for å skrive en kommentar.