Superspanande då GHK slo Sogndal

Det var dramatikk til siste slutt då GHK damene slo nabo Sogndal i ettermiddagens kamp i Firdahallen.  Då sluttsignalet gjekk kunne jentene juble for 30-29 siger, etter å ha leia 16-15 til pause.

Sjølv om herren til høgre ser litt mellomfornøgd ut, har jentene grunn til å juble etter kampen

Sogndal vart ei vanskeleg nøtt for GHK damer i medvind.  Sogningane gjekk respektlaust i angrep og leia store delar av første omgong.  Mot slutten klarte jentene til Øyvind å kome ajour og leia med eit mål til pause.

Marte fyrer av venstrekanona si med kraft!!

I andre omgong var GHK oppe i 4 målsleiing på 22-18, men Sogndal kom attende.  Mot slutten var det ulideleg spanande, men jentene held hovudet klart og drog sigeren i land.

Øyvind må minne jentene om alvoret like før slutt!

Igjen må vi berømme laginnsatsen til desse jentene.  Sjølv om det går imot litt i perioder, og Sogndal ligg fleire mål føre, klarer dei å moblisere tilbake.  Heile 9 damer teikna seg i målprotokollen i dagens kamp, og det var kanskje den store forskjellen på laga til slutt.  Maria Kleppe og Celina Nordbø var gode, Heidi styrer det meste frå sin posisjon, Bodil Fotrapp kjem inn og lager 4 mål og ......Hege avgjer kampen med si skåring like før slutt.  På ein dag då forsvarspelet ikkje er heilt patent, klarer jentene likevel å dra sigeren i land.  Sterkt!

Dagens lag: Linn K, Benedikte, Heidi(6), Malene, Elise H(2), Celina(5), Hege(4), Maria(4), Eli-Anne(2), Irene(1), Amanda, Marte(2), Bodil(4), Torill.

Høyr intervju med trenarane etter kampen :-) : http://radio.oppdateringsfabrikken.no/media/Oppsumering_av_Gloppen_-_Sogndal.wmv