Kjempekamp av damelaget i Bergen

GHK sitt damelag i 3.divisjon slo i dag Gneist 25-21, etter å ha leia 15-7 til pause.  Jentene til Øyvind Indrebø hadde ein formidabel førsteomgong, og køyrde over frustrerte Gneistjenter med glitrande spel.  Bakerst stod Linn Kristin som ein levande vegg, og leverte rett og slett ein praktkamp.

Dagens kvinne, Linn Kristin (arkivbilete)

Kampen starta med 2 kjappe Gneistskåringar, før showet tok til.  Med glimrande ankomstspel og lynraske kontringar var brått stillinga 9-2 til GHK.  Derifrå og ut kampen såg jentene seg aldri tilbake.  Alle bidrog til at måla rann inn jevnt og trutt.  Heidi styrte spelet med glimrande blikk for innspel til strekspelar Eli-Anne.  Hege var sikker frå 7meter. Celina dreiv Gneistspelarane til vannvidd med sine finter, og det var ein fryd å sitje på tribuna ilag med ein ivrig supportergjeng leia av Peder Hauge.  8 måls leiing til pause.  I andre omgong fortset jentene med å imonere.  Ein periode er vi oppe i 10 måls leiing.  Marthe treff med langskota sine gong på gong, og bakerst står dagens GHK spelar som ein kopi av Cecilie Leganger.  Mot slutten av kampen slakker jentene litt av på tempoet for å spare seg til morgondagens kamp mot Åsane, og Gneist knapper litt innpå.  Men sigeren er aldri truga, og jentene "surfar" inn for halv maskin.  Seier 25-21.  Celina Nordbø, Hege R Andenes og Marthe H Hansen skåra alle 5 mål i dagens kamp, og vart GHK sine mestskårande.

Desse var med: Linn K Øren, Benedikte Gåsemyr, Heidi Sægrov, Celina Nordbø(5), Marthe H Hansen(5), Hege R Andenes(5), Irene Slagstad(1), Maria Kleppe(1), Malene Støylen(1), Amanda Veiteberg(1),Eli-Anne Birkelund(3), Toril H Gaasø, Heidi Sægrov(3).