Solid seier!

Gloppen skulle møte tabellnabo Norrøna etter ein månads kamppause. Vi står med tre sigrar frå tre tidlegar oppgjer og vi var favorittar til å vinne.

Starten på kampen vert i rotete affære og begge lag slit med å få ballen i nettmaskene. Vi gjer det vanskeleg for oss sjølve med raske avslutningar og dårlege innspel. Heldigvis er Paul Remi på hugget mellom stengene og etter 12 minutt leiar vi 6-3. Utover omgongen får vi spelet til å fungere betre og betre og når forsvaret står som ein mur får vi mange lette mål på kontra. Ørjan og Alexander viser seg å vere særdeles raske og effektive. Til pauser viser tavla ei fortent 14-6 leiing.

Vi prøvde å nullstille oss i pausen og vill spele 2.omg som om det stod 0-0 på tavla. Dette lukkast vi ikkje heilt med. Vi tapar dei fyrste 7 minutta 6-1 og plutseleg var Norrøna med i kampen på stillinga 15-12. Vi brenn mange opplagde sjansar i denne perioden og vi kan sjå i ansikta på spelarane at dei lurer på om GHK-spøkjelset er tilbake... Trenaren tek ei dobbel utskiftning og inn kjem Vegard Flatjord på høgre back og Arild Fj på streken. Hola i forsvaret vert tetta og vi kunne begynne å rushe igjen. Gutta viser god geist og vinn dei neste 10 minutta 10-3 og det står 25-15. Vi kunne truleg leia endå meir om vi hadde vore i stand til å spele ballen fram til Gåsemyrekspressen. Som kjent greier ikkje Runar å bli sint-og uttalte etter kampen at: -idag burde eg iallefall ha klikka, for eg fekk jo aldri ballen!

Jens Christian stod fram som den store servitør og fôra Ørjan med ballar som scorar på 4 av 4. Etter fjerde servering og scoring uttalte Jens Christian: "No får du altså ikkje fleire :) ". Like lite hjalp det for Ørjan og Alexander deler plassen som man of the match!

Alle kjem på scoringslista idag-dette er ein kjempe lagseier. I tankane forberedar vi oss allereie frammot neste helg. Det var difor innkalla til ekstratrening for dame og herrespelarar laurdag kveld. På programmet stod Øyvind Indrebø sin forsvarsmetodikk: opp å dans, opp å dans... i forsvaret! Ei framifrå økt!

Vi gler oss til neste helg der vi skal gjere alt for å revansjere ettmålstapet for NHHI på bortebane i haust. For å klare dette har vi bruk for ein stappfull Firdahall. Ring te mosta, hent besta på Gloppebua, få med kameratane på Pelsen, kom nedatt frå Kleivane-det er for kaldt kl 17 og hjelp drengerne til 2 nye poeng.

HVAD KÆMPER VI FOR? SEJER!!!