REGLAR MINIHANDBALL, 4. OG 5. KLASSE

1. Det er fire spelarar på bana i gongen. Målvakt er med i angrep.

2. Vi er ikkje så strenge på steg og dobbeltstuss så lenge spelaren ikkje har uvanleg stor fordel av det.

3. Spelarane må inn på motstandar sin banehalvdel for å score. Skudd frå eigen banehalvdel som går i mål vert annulert. Regelen er at ein kan score uansett om målvakt er tilbake i målet sitt. Dersom dei to laga som speler vert einige om at målvakt skal ha ein sjanse til å kome seg tilbake er dette ok for arrangør. Laga må avtale dette med dommar.

4. Målvakt skal kaste ballen ut frå målgården (til medspelarane sine) når han/ho har redda eller ballen har gått bak mål.

5. Alle skal spele tilnærma like mykje.

6. Vi dømmer overtramp.

7. Det skal vere blanda lag. Dersom dette ikkje let seg gjere må ein kontakte arrangørane for å få i stand ei avtale. Det kan verte gitt dispensasjon for skular med lavt elevtal å stille med reine jente/ (gutelag.) Det viktigaste er å klare å stille lag og at flest mogeleg får delta. At ein har berre jenter som har lyst til å spele skal ikkje hindre nokon i å stille opp.

8. Dersom stygt eller voldsomt spel ber vi lagleiar byte vedkomande spelar ut. Vi deler ikkje ut gult kort, raudt kort eller 2 minutt.

REGLAR 6. OG 7. KLASSE

1. Vi nyttar vanlege handballreglar.

2. Det skal vere to av kvart kjønn på bana til ei kvar tid.

3. Alle skal spele tilnærma like mykje.

4. Det kan vere lurt å ha minst 2 innbytarar på kvart lag i 6. og 7. klasse.

5. Dersom t.d mange skadar eller uforutsette forfall/sjukdom og ein ikkje har nok spelarar til å stille fullt lag, skal ein prøve å avtale at motstandarlaget også stiller med færre på bana. Dersom motstandarlaget ikkje går med på dette, får laget hente inn spelar frå lavare klasse. Dette vil føre til at spelaren som blir henta inn likevel får spele på to lag. Ein kan ikkje hente inn spelarar dersom ein har innbytarar på benken. Alt dette skal avklarast med ansvarlege under turneringa.

6. Dersom laget bryt nokon av reglane kan det få ein konsekvens for laget, t.d at laget blir fråtatt poeng.

EIN SPELAR KAN BERRE SPELE PÅ EITT LAG.