K5 damene og J16 laget i gang igjen til helga

Juleferien er over og kampane til dei ulike laga våre er i kjømda.  Først ut er jenter 16, som møter Sogndal på heimebane i Firdahallen på laurdag.

Trass i at både Ingvild og Elise har vore sjuke i det siste, er venteleg begge desse på bana mot Sogndal.

Jente16 laget sleit med mange langtidsskader utover i haustsesongen, og fekk ikkje synt potensiale som bur i dette laget bortsett frå i starten av sesongen.  Framleis slit ein med skadar på sentrale spelarar, men håpet er at juleferien har vore nytta godt til trening og at overskotet er tilbake.  Sogndal har også slite og ligg heilt i botn av tabellen.  Her trur vi at Ingrid og Norunn får skikkeleg fart på jentene igjen, slik at poenga vert att i Firdahallen på laurdag.

På søndag skal damene til Ragnhild prøve krefter mot eit, til no, ubeseira Florølag i 5.divisjon.  Florø har spela kun 4 kampar til no, men har feia alle lag av bana så langt.  Inkludert heimekampen mot GHK, der Florø vann med heile 29-14.  Vil tru at det unge GHK laget er svært lysten på ein aldri så liten revansje for dette tapet, og vil nok kjempe med "nebb og klør" for å sende kystbylaget heim utan poeng.