Sterk siger til GHK 2 over Årdalstangen i G16 serien

Postet av Gloppen Handballklubb den 20. Nov 2011

GHK sitt andrelag tok ein sterk 11 målssiger over Årdalstangen i ettermiddag, etter å ha leia 15-11 til pause.  Laget er samansett av alle 15 åringane i klubben, og hadde kun med seg Olav Devik i mål og Ørjan Sundal som leigesoldatar frå 1.laget.  Ørjan var kun på bana nokre minutt i første omgong, så dette var ein solid lagsiger for dei yngste i laget.

Sander fekk sitt definitive gjennombrot som storskytar i denne kampen, og brukte venstrearmen sin som storslegge og dundra inn 7 mål.

Årdalslaget kom frå storsiger over Stryn tidlegare på dag, og vann også heimekampen mot dette GHK laget med to mål.  I dag var det aldri tvil om at gutane våre skulle få sin revansje.  Frå Sander Nesdal dunka inn 1-0 såg gutane seg aldri tilbake.  I dag var det spesielt kjekt å sjå at alle spelarane var på "hugget"og bidrog med flotte mål frå alle kantar.  Flotte vingskot av Kristian og Peter, "ormen" Magnus på strek er aldri lett å få tak på og sette inn 5 mål.  Til pause leia vi med 4 mål 15-11.

Magnus Morritsgård med eit av sine mål frå strek.

I andre omgong berre fortsette gutane våre med den eine "lekkerbisken" etter den andre.  Sander Nesdal fekk endeleg synt kva som bur i han som venstrehandsskytar og dundra inn mål etter mål frå distanse. Laurits teikna seg også for sine første mål i GHK drakta og spela ein fin kamp.  Til slutt må vi også ta med gode Olav Devik i mål.  Han stod ein prikkfri kamp i mål, og var også svært delaktig i storsigeren.Flott Olav!  Kjekt var det òg å sjå at når dei normalt beste på laget, Erlend og Mikael, ikkje heilt får alt til å stemme likegodt, ja då trør dei andre til så det gnistrar av dei.  Men bevares, begge desse gutane gjorde manns jobb både i forsvar og også framover på bana.

Fotrappe Kristian Henden med 3 flotte mål i dag

Peter Wilke med glimrande kantteknikk sette inn 3 mål

Desse var med: Daniel H Reed, Olav Devik, Erlend Ulvestad (4), Mikale Alander (3), Hans Sande (3), Ørjan Sundal (4), Kristian Henden (3), Sander Nesdal (7), Peter Wilke (3), Laurits Bjørnarheim (3) og Magnus Morritsgård (5)


0 Kommentar

Kommentarer

Logg inn for å skrive en kommentar.

Levert av IdrettenOnline