Bortekampar for GHK

Komande helg skal to GHK lag i aksjon på bortebane. G16 skal til Askvoll på søndag, der dei møter heimelaget Askvoll/Holmedal til dobbelkamp. Også damelaget i 4.divisjon skal ut på tur. Dei møter nabo Eid til eit reint lokalderby.

Ragnhild Bakketun Vederhus & co møter Eid på bortebane (arkivbilete)

Torbjørn Sælen & co reiser til Askvoll, og er nok svært gira på å koma tilbake på vinnarsporet etter tap for Eid/Haugen sist.  Gutelaget vårt syner framgong frå kamp til kamp, og her trur vi ungfolane bankar til og tar med seg 4 poeng i bussen tilbake til Sandane.  Det fine med dette laget er at her er fleire og fleire som melder seg på i kvar kamp dei spelar, og dette lovar godt med tanke på resten av sesongen.

K4 damene til Ragnhild tar turen til Eid for andre gong i år.  På grunn av få lag i divisjonen, vert det spela trippel serie.  I forrige kamp vart det eit relativt klårt tap for naboen på Nordsida av Nordfjorden.  No trur vi jentene våre har tatt eit steg vidare, og at dei vil kjempe med "nebb og klør" for å lage dette til eit jevnt nabooppgjer.

Vi ynskjer begge laga lukke til på søndag.