God treningskamp i Firdahallen i kveld

GHK sitt H3/G18 lag starta kampsesongen med treningskamp mot eit svært godt "old star" GHK lag i kveld.  I ein fartsfylt og til tider velspela kamp, var det til slutt "old star" som drog sigeren i land med 34-28. Men GHK si nåtid/framtid leverte ein godkjend kamp.

Underteikna vil påstå at "old star" laget kunne hevda seg i toppen av 3.div, kanskje midt på treet i 2. divisjon. Såleis lovar det godt at "ungfolane" held kontakt gjennom heile kampen.  Kjekt å sjå Magnus Årskog attende i GHK.  Med sin venstrearm vil han vere ei klar fortsterkning for H3 laget.  Nye i laget er òg dei to førdianarane Preben Indrebø og Håvard Kjønås. Desse to synte at det vert kamp om plassane på G18 laget i år.  Trenar Bjørn Roth har eit luksusproblem når han skal komponere lagoppstillinga.   Etter kampen spelte GHK ein internkamp over 20 minutt.

Desse var med: Daniel Hj Reed, Runar H Åmot(1), Osmund Vereide(1), Mikael Alander(3), Åsmund Sælen(1), Vegard Sælen(2), Magnus Årskog(4), Bjørn M Nystad(1), Preben Indrebø(2), Håvard Kjønås(2), Ørjan Sundal(7), Sander Nesdal(1), Lauritz Bjørnereim(3), Erlend Ulvestad, Hans Sande