GHK sitt ubesigra G18 lag skal denne helga til "løvens hule" for å møte både tabelltoar Stord Elite og tabelltreer FyllingenBergen til avgjerande kampar om kven som kan kalle seg regionsmester. Ulempen til GHK er at dei må spele desse kampane med kun ein times pause mellom.
 |
| Tøffe kampar for desse gutane på søndag |
Eigentleg skulle våre gutar også ha spela mot Kjøkkelvik på laurdag, men denne kampen er flytta grunna RUM samling i Firdahallen der mange av GHK gutane er med. Konklusjon; Eit uheldig kampoppsett for andre halvdel av G18 serien, men det skal vi la ligge. No må gutane ha full fokus på å vere på same nivå som då dei møtte desse laga i Firdahallen i haust. Klarer dei det, vil det truleg verte to, i overkant spennande for enkelte, tette kampar der laget som vil mest vinn til slutt. Men her må keeperane ha dagen, forsvarsspelet må vere på høge med det beste i utlandet, kantspringarane må starte på rush før nokon skjønar nokon ting, og i etablert angrep må ein køyre både "undergong" og "overgong" samt "Kjell" og alt det andre som kun dei innvidde skjønar........heile tida. Uansett, det vert spanande og sjå kva dette laget kan klare mot så gode motstandarar...på bortebane. Vi ynskjer lukke til og kryssar fingrane. Sjekk gjerne tabellen her
http://www.handball.no/kamper.asp?AvdId=17205&mal=2&lag=
