Klare for kamp!

Etter ei spelefri helg for våre lag, er det i kveld klart for kamp i Førde mellom GHK sitt jente 15 lag  og det suverene leiarlaget i denne serien, Førde.  I morgon skal våre nest beste damer møte nabo Eid til ein toppkamp i 5.divisjon i Firdahallen..

Vårt talentfulle 15års lag for jenter skal altso til Førde i kveld.  Førde har vore det klårt beste laget i denne serien, og alt anna enn ein klar heimesiger ville overraske.  Samstundes er det viktig at våre jenter får spele mot dei beste, for på den måten sjå kor lista ligg. Og klarer jentene til Jostein å få til angrepsspelet sitt, kan denne kampen verta jevnare enn forutsetningane skulle tilseie.  Vi ynskjer iallefall lukke til med kampen.

I morgon (tysdag) skal så vårt gode 5.div lag for damer møte nabo Eid til eit skikkeleg toppmøte i Firdahallen.  GHK ligg på fjerde plass i divisjonen, men kun eit poeng bak Eid på tredje.  GHK har òg to kampar mindre spela, og vil med siger i desse koma heilt opp i ryggen på tetlaga Sogndal og Florø.  I bortekampen mot Eid i november, klarte jentene til Ragnhild å vinne ein jevn og tett kamp med eit mål (27-28).  Truleg vert det like jevnt i morgon, men heimebane og publikum i ryggen vert kanskje avgjerande.  Lukke til!