Damelaget i 3.divisjon slo Fyllingen 2 i dramatisk kamp

Damelaget i 3.div slo i ettermiddag Fyllingen 2 med knappast mogeleg margin 27-26, etter å ha leia med solide 18-12 til pause. For ein med atrieflimmer, er ikkje slike kampar av det beste, men så lenge det går godt til slutt er formen fin. K3 damene hadde stort sett brukbar kontroll på Fyllingen i første omgong.  Ein relativt jevn første halvdel, men fram mot pause drog GHK ifrå og leia enkelt 18-12.  I andre omgong var vi vitne til kollektiv svikt i dei fleste ledd i store periodar, og Fyllingen kom ajour og gjekk i leiing.  Kampen stod lenge å vippa med vekselvis leiing til dei to laga.  Denne perioden var prega av mykje enkle personlege feil.  Men Kjell gjorde ein del taktiske grep, bl a kom Linn Kristin inn i mål og redda fleire 100% sjangsar i denne perioden.  Samstundes klarte dagens suverent beste GHK spelar, Elise H Hansen, å sette inn fleire viktige mål.  Alt i alt ein heil klart fortjent siger, men at det skal gjerast så spanande er for underteikna ei gåte :)