Torsdag 8.mars - To 16års kampar i kveld

I kveld skal J16 laget til Førde for å møte heimelaget der, medan gutane sitt andrelag skal over fjorden til Eid i møte med samarbeidslaget Haugen/Eid.

Marthe Sofie, Ingvild, Marte &co møter Førde i kveld (arkivbilde frå kampen mot Jotun)

GHK sitt J16 lag skal til Førde for å spela sin siste kamp for sesongen.  Dei møter her eit av topplaga i serien.  Førde har så langt kun tapt i bortekampane mot dei suverene Strynejentene, samt Dale.  Jentene våre får ei tøff oppgåve, men ryktene seier at dei langtidsskada sentrale spelarane er på veg tilbake på laget. Kanskje kan GHK overraske i kveldens kamp og ta med seg 2 poeng i bussen tilbake til Sandane.

Det gode 15års gutelaget skal til Eid for å møte heimelaget her.  Gutane vann heimekampen mot Haugen/Eid, og reiser nok over fjorden med tankar om å gjennta dette på bortebane òg.  Haugen/Eid er eit godt lag, men gutane til Torbjørn har synt før at dei kan slå alle lag på ein god dag. 

Vi ynskjer begge laga lukke til i kveld.