GHK herrane til Møre på laurdag

Herretrenar Bjørn Roth-Andenes tar med seg laget sitt til Ørsta på laurdag for å møte lag derifrå i ei miniturnering.  Men allereie fredagskvelden er det duka for årets første treningskamp i Firdahallen, då Bergenslaget Sotra kjem på vitjing for å møte herrane våre.

Edvin & co møter Sotra til treningskamp på fredag kveld (bilde frå heimekampen mot Sotra i fjorårets sesong)

Fredagens kamp går mot fjorårets divisjonskollega Sotra.  Truleg god og høveleg motstand for det unge GHK laget.  På laurdagen skal ein så møte Ørsta som spelar i 3.divisjon, samt Bergsøy og Ålesund som er å finne i 2.divisjon komande sesong.  Med andre ord knallhard motstand for GHK, men det er som kjent gjennom slike kampar ein har høve til å utvikle seg og ta steg i utviklinga for dei unge i laget.  Vi ynskjer Bjørn og gjengen lukke til.