Inspirerande foredrag av Eigil Indstebø

Ein stad i overkant av 60 personar møtte opp då Eigil Indstebø held foredrag om behandling og førebygging av idrettsskader i lokala til SFE i kveld.  Her var både aktive og trenarar frå fleire ulike lag, og alle fekk beskjed om kor viktig det er å trene allsidig.

Eigil Indstebø held eit engasjerande foredrag.

 Indstebø gjekk gjennom kroppen frå botn til topp, då han forklarde ei lydhør forsamling om årsaker til skader, behandling av skader, og ikkje minst korleis ein trenar seg opp att etter skade.  Han var og krystallklår på kor viktig det er å trene allsidig, for å styrke kroppen i alle ledd.  Gledeleg nok var det mange aktive handballspelarar frå GHK som var møtt fram, samt ein del frå trenarteamet og styret. GHK vil takke GFIL for initiativet til kvelden, og Eigil for ei framifrå gjennomføring.

Overtråkk??  I kveld fekk vi svaret korleis ein i så fall trenar.