Nytt oppsett for jente 15 serien

Som meldt i helga, avslutta GHK sitt jente 15 lag seriespelet med siger borte mot Skavøypoll.  NHF Region Vest har no sett opp ein ny delt serie som skal danne grunnlag for kvalifisering til Fylkesmeisterskapen som vert avvikla i Stryn 14. og 15. april.

Sidan GHK jentene tok ein sterk tredjeplass i serien, har dei havna i A pulja saman med Stryn, Askvoll/Holmedal, Høyang og Eid. Her spelar laga enkel serie og nr 1 og nr 2 går til Fylkesfinalen.  Dette er ei knalltøff pulje, der Stryn nok er favoritt på førehand, men GHK sitt jente 15 lag har synt fin framgong gjennom sesongen og vil heilt sikkert vere med å kjempe om ein av dei to finaleplassane. 

Første kamp er mot Stryn i Firdahallen laurdag 11.02.